Meer oder Seehanen Buch/ Darinn Verzeichnet seind/ die Wunderbare/…

Meer oder Seehanen Buch/ Darinn Verzeichnet seind/ die Wunderbare/ Gedenckwürdige Reise vnd Schiffarhten/ so recht vnd billich geheissen Meer vnd Seehanen/ der Königen von Hispania/ Portugal/ Engellandt vnd Franckreich/ inwendig den letst vergangnen hundert Jahren/ gethan. Auff vnd durch welche Schiffarten/ ein Newe Welt gegen Nidergang/ vnd grosse Königreichen/ Landtschafften vnd Jnsulen/ gegen Auffgang gelegen/ erfunden vnd entdeckt seind. Hierzu seind noch gesetzt zwey seltzsame vnd gedenckwürdige Stück. Das eine ist/ Die Erzehlung der Schiffart/ so im Jar 1594. gethan siben Schiff/ welche die Vnierte Niderländische Ständ geschickt gegen Mitternacht/ vmb von dannen jren lauff nach China zu nemen. Dieselbige Schiff sein gefahren/ durch die Enge oder Straß zwischen den Landtschafften/ des Großfürsten von der Moscow/ vnd der Jnsel Watgatz/ bey Noua Zemla gelegen/ biß ins grosse Tartarische Meer/ Welches auff Latein Oceanus Scythicus oder Mare Tabin genennet wirt/ vnd haben entdeckt den Fluß Gilissy/ nur 13. Meil vom grossen Fluß Obij gelegen. Das ander stück ist. Ein Warhaffter/ klarer/ eigentlicher Bericht/ von der weiten vn[d] wunderbaren Reise oder Schifffahrt/ so drey Schiff vnd ein Pinaß/ auß Holland/ biß in Jndien gegen Auffgang gethan. Dieselbe Schiff seind von Texel in Hollandt abgefaoren am andern tag Aprilis/ im Jar 1595. Haben vmbgesagelt das Vorhaupt Bonæ Spei/ vnd seind ahn der grossen Jnsel Madagascar/ jetzt S. Laurentz Jnsel geheissen/ angefahren. Von dannen seind sie gesagelt gen Samatra/ vorzeiten Taprobana/ vnd fehrner gen Bantam/ ein grosse Gewerbstatt in der Jnsel Iaua Maior/ weiterg gen Sidaya/ vnd der Jnsel Bally. Von dannen seind sie am 26. Februarij 1597. wider nach Hollandt gefahren/ vnd ohn jrgendts ahnzuländen/ am 10. tag Augustmonats desselben Jars mit freuden zu Hauß ankom[m]en. Haben mit bracht Pfeffer/ Nägelein/ Muscat Nüß vnd Blumen. Neben dem einen wunderbarlichen Vogel/ der Fewrkolen verschlucket. Gantz lustig zulesen. Dise Reisen vnd Schiffahrten seind zusamen/ auß andern Spraachen ins Teutsch gebracht/ Durch Conrad Löw der Historien Liebhaber

Verankerd op Billich – names Billich in passing (no competing place). Het onderschrift is automatisch opgesteld uit de metadata van de bron en is nog niet door een mens gecontroleerd.